Bumalik sa Royal Hospital si Ricky. Nasa tabi ng kama ni Jessie noon ang reyna natutulog, hawak ang kamay ni Jessie. Wala pa rin itong malay, may benda sa ulo hanggang noo. May life support monitor sya at oxygen line sa ilong. Sinalubong sya ni Mike.
"Kamusta na sya?" tanong ni Ricky kay Mike.
"Hindi pa rin sya nagkakamalay. Maayos naman ang operasyon. Katutulog lang ng mama mo," balita ni Mike.
"Kamusta pakiramdam mo?" tanong ni Ricky.
"Maayos na. Magpahinga ka muna, Ric. Time out muna. May dala akong damit mo dyan, 'tol. Para makapagpalit ka na," wika ni Mike na ngumiti.
"Salamat," wika ni Ricky.
"Mama," mahinang tawag ni Ricky sa ina na lumapit sa kama ni Jessie.
"Nakabalik ka na pala, Ethan," anang reyna na nagising.
Tumango lang si Ethan humalik sa noo ng ina at hinawakan sa b
