Isang linggo ang dumaan, naabutan ni Drew na nakaupo na si Ricky sa higaan nya. Hawak nya ang libro nya at nagbabasa.
"Dapat nakahiga ka pa," wika ni Drew sa kanyang kaibigan.
"Nababagot na kasi akong nakahiga. Sumasakit na ang likod ko," katwiran ni Ricky.
"Kamusta na ang pakiramdam mo?" tanong ni Drew na umupo sa paanan ng kama ni Ricky.
"Maayos na. Medyo malakas na ang pakiramdam ko. Salamat sa pag-aalaga mo sa akin," wika ni Ricky.
"Huwag mo lang masyadong pwersahin ang sarili mo," paalala ni Drew.
Pumasok sina Jude at Niño sa kwarto makatapos kumatok.
"Kuya. Kamusta ka na?" tanong ni Jude.
"Maayos na. Hindi ko pa nakikita si Jaja. Hindi pa rin sya bumibisita sa akin," banggit ni Ricky.
"Nagtatampo po iyon. Hindi ka daw tumupad sa pangako mo," wika ni Niño.
"Pangako?" tanong
