Dumiretso si Ricky sa kwarto ni Jessie. Naroon si Mariko na natutulog noon sa tabi ng pinsan. Kinumutan ni Ricky nang maayos si Mariko at hinalikan sa noo. Hinalikan naman ni Ricky sa noo si Jessie saka bumulong ng good night. Paglabas nya ng kwarto ay naroon si Tony hinihintay sya.
"Prinsipe Ethan! Narito po pala kayo!" bati ni Tony.
"Tony, magandang gabi. Anong ginagawa mo rito?" tanong ni Ricky.
"Sisilipin ko po sana si Miss Mariko kung tulog na. Naunahan nyo lang po ako. Nag-aalala po kasi si Lady Joey sa munting binibini," tugon ni Tony.
"Mahimbing na ang dalawa," banggit ni Ricky.
"Kamusta po kayo?" tanong ng sundalo.
"Maayos na ang pakiramdam ko. Maraming salamat sa pag-aalala. Mauuna na ako kailangan ko na ring magpahinga," wika ni Ricky.
"Prinsipe, isang paalala lang. Mabut
