"Hayaan natin silang makapasok sa Sentro," wika ni Ricky.
Nagulat ang lahat ng makitang nakasandal si Ricky sa hamba ng kwarto nya.
"Bakit ka bumangon kaagad, Kuya?" tanong ni Jude na inalalayan si Ricky sa malapit na upuan.
"Masyado atang napasarap ang tulog ko. Pasensya na," wika ni Ricky
"May lagnat ka pa, bro. Kailangan mo pang magpahinga." sabi ni Drew na may halong pag-aalala sa tinig nito.
"Ayos lang ako," ani Ricky na ngumiti.
"Mahina ka pa," wika ni Alexi.
"Ayos na ako. Kakayanin po ba nyong masakop nang force field ang buong palasyo?" tanong ni Ricky.
Napaisip ang buong grupo. Nabasa ni Niño at Emir ang nasa isip ni Ricky.
"Kakayanin naming magkalat ng force field sa buong palasyo sa tulong ng mga Guardians pero kapag ginawa namin iyon hindi namin pisikal na mapangangala
