Kinagabihan party naman ng mga matatanda, mga kamag-anak at kaibigan ang naganap. Lumapit si Mariko kay Ricky at nagpakarga. Kasunod ni Mariko si Drew at ang tiyahin nya.
"Anong problema, Mirawi?" tanong ni Ricky na nag-alala.
Yumakap si Mariko kay Ricky at tinago ang mukha sa leeg nito.
"Nag-aantok na sya, Ric," wika ni Drew.
"Ayaw pa nyang matulog ng hindi kayo nakayayakap ni Joey. Nayakap na sya ni Joey," napapailing na wika ni June.
"Matulog ka na, Mirawi," payo ni Ricky kay Mariko.
Umiling ang bata.
"May mga bisita si Kuya Ethan mo, Mariko," wika ni June.
"Halika na, Mariko," yaya ni Drew.
"Sige na Mirawi. Mag-ayos ka na sa higaan mo. Sisilipin kita sa kwarto mo bago ka matulog. Sumama ka muna kay Kuya Drew," ani Ricky kay Mariko.
"Naalala mo ang kwento ko noong isang gabi?
