Kinaumagahan, maagang nagising si Ricky. Dahan-dahan syang bumangon at pinakiramdaman ang sarili. Nataon naman na pumasok si Mike sa higaan nya dala ang dalawang mug.
"Magandang umaga. Mabuti at gising ka na," bati ni Mike na inabot ang isang mug kay Ricky.
"Salamat," ani Ricky na dahan-dahang uminom mula sa mug.
"Tsaa iyan. Pinaiinom ng lolo mo sa'yo para bumuti ang pakiramdam mo," wika ni Mike.
"Kamusta si Lady Joey?" tanong ni Ricky.
"Maayos na sya. Gising na rin si Joey. Medyo maga pa rin ang paa nya pero nasa Green House na. Tumutulong na sya sa paghahanda sa pagdiriwang ng kaarawan ni Mariko. Doon na rin naghanda ang Tita June mo ng agahan," kwento ni Mike.
"Ayaw talaga papigil," sambit ni Ricky na napapailing.
"Parang si Aly lang," pabirong wika ni Mike na natawa.
Pahigop sa
