“Kung hindi,” sagot ni Ashton nang mabagal, “lalabas ang lahat ng nakita ninyo rito. Maliban diyan, may mga hawak pa akong siguradong maghahatid sa inyo sa matinding kahihiyan. Baka itakwil pa kayo ng mga pamilya ninyo.”
Sinundan iyon ni Ashton ng malutong na tawa… puno ng pang-aasar kaya lalong sinagilihan ng takot ang dalawang kausap niya.
“Sino ka ba? Kaano-ano mo sina Aviona at paano mo nakuha ang lahat ng mga ‘yan?” tanong pa ng dean.
“That’s none of your damn business, old man!” asik ni Ashton sa dean.
Hindi na kailangan ng paliwanag.
Agad na lumuhod ang dalawa sa malamig na semento, talagang wala na silang ibang mapamimilian.
“Do what I told you to do, or suffer the consequences,” sabi lang ni Ashton.
“Oo… oo… gagawin namin,” sabay nilang sambit, halos maiyak na sa takot. “Hi
