Habang nag-aayos ako ng mesa, ramdam ko ang panginginig ng mga kamay ko. Pagod na pagod na ako… hindi lang sa katawan, kundi sa pakiramdam na parang lagi na lang may kailangang patunayan.
Na kahit gaano ka kabait, kahit gaano ka kasipag, may mga araw talagang makakaranas ka ng pang-aapi
Sumulyap ako kay Melody. Tahimik siyang nagliligpit ng baso, pero alam kong kagaya ko, mabigat din ang loob niya ngayon
Pero nandito pa rin kami. Nakatayo at kumakayod para mabuhay ng disente.
Dahil kung may natutunan ako sa lahat ng pinagdaanan namin ni Kuya, iyon ay ang hindi pagsuko kahit gaano pa kabigat ang lahat.
Pagod, oo.
Nasaktan, oo.
Napahiya, oo.
Pero tuloy lang ang buhay. Wala naman kaming ibang maaasahan kundi ang mga sarili namin
At sa mundong hindi marunong maging patas, matinding t
