Aira's POV
Umaga na at nakita ko si Axcel na may dalang gitara at na sa dalampasigan ulit ito, hindi kami natulog sa kama kaya medyo masakit sa likod at malamig pa kagabi, sa isang tent lang kami natulog pero magkahiwalay kaming dalawa.
Kumakanta ito ng mga putol-putol na salita habang patuloy na tumutugtog ang gitara nito, may papel siya sa kandungan at may mga nakasulat na parang tula. Napansin na nito ang presensya ko kaya bigla niyang tiniklop ang papel at ngumiti sa akin.
"Good morning! Kamusta tulog mo?" Masayang pagbati nito na binalikan ko ng ngiti. Umupo ako sa buhangin at sa tabi niya.
"Kailan ka natutong mag-gitara?" Tanong ko sa kanya at tila nag-isip pa ito.
"Noong bata pa ako, pinapasok kasi kami ng Mommy ko sa iba't-ibang lessons kapag bakasyon tapos nagustuhan ko rin
