Napatingin si Camille nang marinig ang pagbukas ng pinto. Pumasok si Kyle na galing sa trabaho, may bitbit itong isang carton ng pizza at isang puting supot na sa tingin niya ay naglalaman ng mga gamot.
"Kumusta pakiramdam mo?" tanong nito.
Inilapag nito ang pizza sa mesa kasama ng gamot at kapagkuwan ay umupo sa kama.
"Medyo okay na, Ky," nakangiting sagot niya.
She was lying on the bed with the blanket covering half of her body. Nang makarating kasi siya kaninang umaga ay masama na ang pakiramdam niya at panay ang pagsusuka. Dapat ay kagabi pa siya nandito sa apartment nang malaman niya mula kay Lex na natagpuan na si Ranz at mabuti ang lagay nito. Pero nag insist si Lex na doon muna siya magpalipas ng gabi sa condo nito dahil malakas pa rin ang ulan. Kaya naman kinaumagahan ay nagpa
