Michiko’s POV
Katatapos lang namin mag-dinner kaya nangungulit na sa amin si Tovee. Maraming nakain kaya punong-puno na naman ang lakas na mangulit ang isang ito. Parang hindi nga siya napapagod kahit na maghapon siyang naglalaro. Siguradong tulog kaagad ito mamaya kapag nakahiga na. Napansin ko na hindi abala si Kuya Euan sa cell phone niya ngayon at mukhang pahinga nga niya ang weekends na ito kaya dapat naming sulitin. Bukas pa kami mag-iikot sa Tagaytay kahit na halos napuntahan naman namin ang mga dapat puntahan dito. Iba lang ngayon dahil unang beses naming nakasama si Tovee sa Tagaytay at kagaya noong birthday celebration niya sa La Union ay excited siya at napangingiti niya kaming lahat dahil sa kakulitan niya. Bilib talaga ako kina Ate Rosaleen at Kuya Euan sa paraan ng pagpapala
