Michiko’s POV
Dahil sa pakiusap ko na hayaan muna akong bigyan ng oras para mag-isip ay hinayaan niya akong umalis pagkatapos ng pagkikita naming tatlo nina Melody. Sinundan ko pa siya ng tingin kung babalikan niya si Melody para kausapin pero tumingin lang siya sa kanya pagkatapos ay sumakay na sa sasakyan niya. Ramdam na ramdam ko ang sakit na nararamdaman ni Melody habang sinasabi niya sa akin ang panloloko sa kanya ng asawa niya na si Caelen pala at hindi ko alam na ako ang tinutukoy niyang nananakit sa kanya.
Akala ko pa naman ay totoong nakatutulong ang pakikinig ko sa kanya pero isang malaking kasinungalingan lang pala ang paglapit niya sa akin dahil nilapitan niya ako para ipaalam kung gaano ko siya nasasaktan.
Ang iniisip ko lang ngayon ay kung paano ito nagawa ni Caelen sa aki
