Michiko’s POV
Buong maghapon akong wala sa sarili dahil sa pag-iisip sa magiging pag-uusap namin ni Caelen ngayon. Pupuntahan niya ako rito sa flower shop at pag-uusapan namin ang lahat. Hindi ko nga rin alam kung nakatulog ba talaga ako dahil iniisip ko kung ano ang sasabihin niya. Tutal ay sasabihin na niya sa akin ang noon ay ayaw niyang malaman ko, siguro ay dapat ko na ring itanong sa kanya kung sino ang babaeng nagpapadala ng mensahe sa kanya.
Hindi na rin talaga iyon nawala sa isip ko lalo na noong nakausap ko si Melody at parang may parehas pa kaming pagdududa sa kanya-kanya naming partner sa buhay. Sana lang ay iba si Caelen sa kalokohan ng partner niya dahil ramdam ko pa ang pagpapahalaga niya sa akin samantalang ang asawa ni Melody ay binabalewala na siya. Hay naku, ang bigat
