Michiko’s POV
Hindi ko pa rin mabanggit-banggit kay Caelen ang tungkol sa nabasa kong mensahe at simula noong nabasa ko iyon ay hindi na tumino ang pag-iisip ko. Hindi na iyon mawala sa isip ko. Nagkataon pa na nakausap ko si Melody tungkol sa pagkakaroon ng babae ng asawa niya kaya hindi mawala sa isip ko na posible rin iyon gawin sa akin ni Caelen. Kung bakit naman kasi nabasa ko pa ang mensahe na iyon? Napakagaling naman pala ng timing, ’no?
Masyado ba akong nasabik sa pagmamahal ng isang lalaki kaya ganoon na lang kadali para sa akin na bigyan ng pagkakataon si Caelen para maging nobyo ko? Maging ang sarili kong nararamdaman ay hindi ko na rin maintindihan. Gulong-gulo na ako at hanggang ngayon ay hindi pa sinasabi sa akin ni Caelen kung ano talaga ang problema niya.
Pakiramdam ko a
