Mahigit na isang linggo nang nakalipas buhat ng nagkita namin ni Keiran. Nagpapasalamat pa rin ako dahil wala nang kasunod iyon. Atleast, panatag pa rin ako. Hinihiling ko na sana iyon na ang huling pag-uusap naming dalawa. Hindi lang siya ang iniiwasan ko. Maski ang Chairman. Ayokong sabihin niya sa akin na hindi ako marunong tumupad sa usapan. Ayaw ko lang na may masabi siya sa akin. Gustuhin ko rin iwasan ang magpipinsang Ho ay hindi ko rin magagawa. Naging mabait sila sa akin lalo na si Fae.
Naputol ang pag-iisip ko nang biglang may kumatok sa pinto ng aking opisina. Nagbukas iyon at tumambad sa akin si Isko.
"Attorney, narito na po si Mr. Macaloso. May appointment daw po siya sa inyo." Aniya.
Inayos ko ang aking upo. Tumango, "Sige, papasukin mo na siya," Pasuyo ko sa kaniya.
He n
