Kinabukasan ay nakita kong nasa table ko si Cassandra. Nakatayo lang siya doon na parang hinihintay ako. Nang makita niya akong naglalakad na papalapit sa kanya ay umayos siya ng tayo at tumikhim.
Ngumiti ako sa kanya. “Good morning, Timmy.” Umiwas siya ng tingin nang tinawag ko siya ng ganoon. “Uhm, may kailangan ka?” nagtatakang tanong ko dahil nasa table ko siya.
“Uhm, wala.” Tumingin siya sa akin, at napatitig sa gilid ng labi ko, kung saan mayroong sugat pero hindi naman gaanong malaki. Nakita kong bahagyang umangat ang kamay niya na parang gusto niya itong ituro o hawakan, pero mabilis niya rin ibinaba. “G-Gusto ko lang sanang magsorry sa ginawa ni Rex sa ‘yo kagabi.”
Napakuyom ako ng kamao sa huling sinabi niya. “Bakit ikaw ‘yung nagso-sorry? Ikaw ba ‘yung nanuntok sa akin?”
“Hi
