MALAKAS na tinawanan lang siya ni Winona. Kinusot-kusot nito ang tenga. “Ano ba iyan? Bakit ba palagi ka na lang nakasigaw? Sino bang kaaway mo, ha?” At nakakalokong humagikhik pa ito.
Pumikit sandali si Light upang kalmahin ang sarili. Nang sa tingin niya ay nabawasan na ang inis na nararamdaman niya ay saka siya nagsalit. “Winona, tignan mo ang paligid mo. Ang gulo-gulo. Wala sa ayos ang mga gamit. Sa tingin mo ba, kwarto pa ang tawag dito?” Halos hindi na naghihiwalay ang mga ngipin niya sa pagsasalita.
“Hmm… Oo naman, Light. Kwarto ito dahil dito nga ako natutulog. Ano ka ba naman?” tawa nito sabay hampas sa kanyang balikat.
Mas lalo siyang nainis sa sagot nito. Naihilamos niya tuloy ang kanyang mga palad sa sariling mukha. “Hindi iyon ang ibig kong sabihin!” Napataas ang kanyang bo
