NANG mismong araw ring iyon ay pumutok sa social media at mga balita ang isyu tungkol kila Yannah, Dianna, at Tristan. Pinagkaguluhan sila ng mga tao. Sobra-sobra ang pambabatikos ang naranasan nila Yannah at Tristan. Marami ang naawa at nagbigay ng suporta para kay Dianna.
Ilang araw na hindi nakapasok si Dianna sa set at tuluyan na siyang nagpaalam sa programang iyon. Humanap na ng kapalit ang direktor nila upang makapagpahinga na ang dalaga. Labis nitong dinamdam ang problemang kaniyang kinakaharap. Sa huling pag-ere niya sa telebisyon ay ang kaniyang pagkamatay upang palabasing namatay ang bida at may papasok na ibang bida kapalit niya. Walang nagawa ang kanilang direktor upang pigilan siya dahil kahit na kanino man iyon mangyari ay hindi rin ito magiging madali. Pumirma ang aktres ng
