Muling nagpatuloy ang shoot ngunit ang ibang mga artista na ang nasa harap ng camera at umaarte. Nanonood lamang si Mimi. Nakalabas ang kaniyang notebook at ball pen dahil nagte-take down siya ng mga detalye na napapansin niyang ginagawa ng mga artista sa pag-arte.
Ang tono ng boses ng mga ito sa tuwing nagsasalita ay saktong-sakto sa emosyon na ipinapakita ng mukha.
Ang galing...
Napatikhim siya at nagpatuloy sa pagsusulat.
"Ang galing nilang lahat... kapag nanonood ako ng mga movie kahit na mga drama series ay parang ang dali lang ng pag-arte. Hindi ko alam na ganito pala. Maraming distractions. Ang dami ng nakatingin sa kanila pero napapanatili nila ang pokus sa pag-arte sa harap ng camera."
Marami ngang nanonood, marami ang mga nakatutok na camera man. Napaka-propesyunal talaga ng
