"Cut!"
Tatlong araw na ang nakalipas nang mangyari ang tagpo nila ni Marcus at Lindsay sa Tiezza condominium na pagmamay-ari ng kapatid ni Jaksawn. Ngayon nga ay narito siya sa set ng taping nila Jaksawn. Kasama siya ni Pat at tinuturuan siya nito ng kung ano ang mga dapat niyang gawin.
"Most of the time ay alam na ni Jaksawn ang gagawin niya. Kung may iuutos man siya sa 'yo ay siguro kapag nauuhaw siya o kaya ay kapag kailangan na niya ulit basahin yung script at magkabisado ang mga lines niya."
Tumango siya sa sinabi ni Pat. Papalapit na ngayon sa kanila si Jaksawn dahil tapos na ang scene nito. Ibang mga artista naman ngayon ang aarte sa harap ng camera. Hindi niya alam na napakagaling pala talaga nito sa pag-arte! isang take lang ay okay na kaagad!
Kanina niya pa ito pinagmamasdan
