Pagkaalis ni Helley ay parang naging tahimik ang mansyon. Umakyat na ako sa second floor at napahinto sa tapat ng kuwarto namin ni Jayden. Binuksan ko ito at sumilip lamang ako sa loob. Nakita kong mahimbing na natutulog si Jayden habang nakadapang nakahiga at walang suot na pang itaas. Ngayon ay para akong naiilang na pumasok at tumabi sa kanya. Marami pa namang kuwarto ang mansyon kaya doon na muna ako hihiga. Wala pa rin naman si Miss ngayon at hindi pa namin alam kung kailan ang balik niya dito. Dahan-dahan ko nang isinara ang pinto upang hindi magdulot ng ingay at para hindi magising si Jayden.
Sa katabi lamang ng kuwarto namin, ang pinili kong kuwarto na papasukan. Napatingin ako sa buong kuwarto at hindi siya tulad ng silid tulugan namin ni Jayden. Medyo maliit ang kuwartong ito ku
