NAGISING si Arabella dahil sa usok na nalanghap. Paubo-ubo na bumangon siya at naupo sa kama. Kaninang madaling araw ay ini-off niya ang aircon at binuksan na lang ang bintana, kaya madaling pumasok sa silid niya ang usok. Ipinusod niya ang buhok bago siya tumayo at dumungaw sa bintana para alamin kung saan nagmumula ang usok. Nakita niya ang isang malaking kaldero na nakasalang sa apoy, at ang katabi nitong mga kahoy na panggatong. Malapit doon ay may isang malaking lamesa at may tatlong tao na naroon na mukhang inihahanda ang kung anumang iluluto ng mga ito.
Napalingon siya sa pinto ng silid nang may kumatok doon. Kinuha niya ang roba na nakapatong sa upuan at isinuot iyon bago niya binuksan ang pinto. Isang babae na palagay niya ay teenager pa ang napagbuksan niya ng pinto.
"Hi," mag
