PAGMULAT niya ng mga mata ay sinag ng araw mula sa bintana ang bumungad sa kaniya. Ilang beses muna siyang kumurap bago nasanay ang mga mata sa liwanag.
Marahan siyang pumihit at doon ay biglang sumigid ang sakit na nagmumula sa kung saang parte ng katawan niya. Dagli siyang napahinto habang unti-unting bumabalik sa kasalakuyan ang kanyang ulirat at inaalala ang mga nangyari.
Napatutop siya sa kaniyang bibig at awtomatikong bumalong ang luha sa kaniyang mga mata. Wala sa loob na hinimas ang impis na tiyan.
"Ang anak ko..." nanghihina at paos ang boses na sambit niya.
"Sun" napabaling siya sa gawi na pinagmulan ng boses na tumawag sa kaniya. Doon niya lang napansin ang mga tao sa loob ng silid kung nasaan siya. Si Gab ay umupo sa gilid ng kama at ginagap ang palad niya. Nakatayo sa t
