NAPAATRAS ang mga paa ko sabay takbo palayo sa maingay na kasiyahang iyon.
Hindi ko maintindihan ang sarili ko pero pakiramdam ko, mas masakit pa ito noong sabihin sa akin ni Renai na parang kapatid lang ang tingin niya sa akin. Ang lungkot lungkot ng puso ko. Gusto ko'ng sabunutan ang buhok ni Lydia at hatakin pakaladkad dahil sa ginawa niyang paghalik sa kay Ram! Bruha siya! Anong karapatan niyang gawin iyon kay Ram?
Siya pa talaga ang humahalik sa lalaking hindi naman siya ang gusto! Ngayon sobrang naiintindihan ko na ang naramdaman ni Zia noong nagawa ko'ng halikan si Renai sa harapan niya. Masakit pala talaga. Hindi lang simpleng sakit kundi ang sakit sakit! Tila tinusok tusok at tinapak tapakan ang puso ko'ng walang magawa kundi ang maiyak na lang ngayon dito sa loob ng sasakyan.
