“GRABE, ang so-sosyal naman pala ng mga aplikante rito," bulong ni Fina sa tainga ko.
Pinasada ko ang mga mata sa mga nakaupong babae sa harapan namin. Nasa mahabang pasilyo kami ng matayog na kompanya at kinakabahan. Ito iyong pakiramdam na parang nakakatae sa kaba.
“Siyempre naman, no. Manila 'to. Nandito lahat ng ibat-ibang klase ng babae,” ganting bulong rin naman nito.
Bumalik ako sa pagkakaayos ng upo. Simpleng bestidang puti na may belt sa baywang ang suot ko. Close shoes na pointed at may kaunting takong para naman disenteng tingnan. Sinigurado namin ni Fina na babagay ang suot namin sa kompanyang aaplayan. Payo na rin ito ni Kuya Buddy. Dapat sopistikada kami kahit mga galing kami sa probinsya.
Ang sabi ay alas-otso raw magsisimula ang interview at kinsi minutos na lang ay
