"Ano pala ang ating pag-uusapan, Pinuno?" malumanay na pagkakatanong ni Juakin kay Anchor. Sa durungawan ng kubo ay saglit na tumingin si Anchor at dinaramdam muna ang hatid ng pagsikat ng araw na ngayon ay pumapasok sa kanilang kaliitang kubo.
"Nais ko lang ilahad sa 'yo ang labis na pasasalamat sa pagdala kay Diego rito. Sa wakas, mayroon na ring nadagdag sa ating pangkat." Hinarap na ni Anchor si Juakin at ngumiti siya rito.
"Ako ang karapatdapat na magpasalamat sa 'yo Pinuno sapagkat, hindi ka nag-alinlangang tanggapin si Diego sa pangkat." Ngumiti rin ito pabalik kay Anchor. "Hindi ka magsisisi sa kanya, Pinuno. Kagaya natin hangarin niyang ipaglaban ang mga inaapi ng mga mapang-abuso. Minsan na niya akong iniligtas kaya ipapanigurado ko sa 'yo na siya ay mapagkakatiwalaan."
Ipi
