Pagod na umuwi sa kanilang tahanan si Tenyente Agoncillo. Kaagad siyang sinalubong ng kanyang asawang Beatrice at pinahiran siya nito sa kanyang likuran upang mawaldas ang namumuong pawis nito. Makakitaan sa kanyang mukha na marami siyang ginawa ngayong araw dahil walang ni bakas na ngisi ang masisilayan sa mukha ng tenyente.
Tumungo naman ito sa hapag at hinandugan naman siya ng kanyang asawa ng makakain para sa kanyang hapunan. “Sasabayan na kita sa pagkain, Benhamin.” Tumango naman ang tenyente sa winika ng kanyang asawa.
Sinandukan naman ni Beatrice ang pinggan ng kanyang asawa ng kanin at ulam. Walang pag-alinlangang kumain ang tenyente sa inihanda ng kanyang asawa. “Tila ikaw ay gutom na gutom. Nasaan ka ba galing at mukhang ikaw ay lubusang pagod na pagod? Ngayon lang kita nakit
