“Kunin niyo ito.” Kinuha ni Sarhento Guevarra ang kamay ni Tenyente Agoncillo at inilaan ang salaping kanyang kusang ibinigay sa tenyente. Nabigla si Tenyente Agoncillo sa tinuran ng Sarhento Guevarra at sa inilapag nito sa kanyang kamay.
“Para saan ito? B-Bakit mo ako nilaanan ng ganito kalaking salapi?” nakakunot-noong tanong ni Tenyente Agoncillo. Ngumiti ang Sarhento Guevarra sa kanya ganoon din sa asawa nitong si Beatrice na hindi rin makapaniwala sa mga nasaksihan ngayon mula sa kapatid ni Don Hacob.
“Iyan ang aking pasasalamat sa inyong kabusilakan ng loob sa aking kapatid na Hacob. Pamilya niyo siya, kaya pamilya na rin ang turing ko sa inyo. Ang pamilya ay nagmamahalan at nagbibigayan. Sa ganyang paraan, masusuklian ko ang kabutihan niyo sa aking kapatid na Hacob at sa kanyang
