"Bakit parang ang tagal gawin? Kailangan ko pa bang magbayad ng dagdag na tao para sa'yo?" Pag-iisip ko bago balikan ng tingin si Stephen.
"Lory, binigyan na kita ng date, 'di ba? Hindi mo kami pwedeng madaliin," kunsumido niyang sagot at tinalikuran naman ako.
"Hindi 'to pwede. Dapat matapos 'yan bago 'yung birthday ni Angel." Natigilan ako nang muli siyang humarap. Patay! Nadulas ako...
"Angel? Sino naman 'yon?"
"F-first customer ko!" mabilis na sagot ko.
"Ano 'yon? Mas excited pa siya kaysa sa'yo? Sabihin mo sa kanya, kung atat na siyang magkape. Ipagtitimpla ko muna siya ng 3 in 1."
"Hay, kasi naman, Stephen! Gano'n ba kahirap gawin 'yan?"
"Isa pa, Lory. Magba-back out na ko," banta niya kaya napatikom agad ako ng bibig. "Mas malala ka pang magbunganga kaysa sa totoong boss ko
