"Bakit sumama ka? Hindi naman kita inimbita rito," masungit na sabi ni Mommy kay Raf.
Marahan siyang tinapik ni Daddy. "Ako ang nagpasama sa kanya," sabi niya pa at tinignan si Mommy nang makahulugan.
"Bakit ba?" bulong ko naman kay Gab na kanina pa palo nang palo sa hita ko. Baka mamaya mapansin nila kami.
"Anong gagawin ko rito sa anak mo? Puno na 'yung diaper niya wala akong dala," bulong niya pabalik.
Napangiti ako, ibig matawa dahil sa pag-amoy niya ng kamay. Napansin niya ko at bigla na lang nilagay sa ilong ko ang kamay niya.
"Sige, tumatawa ka pa, ah."
"Bwisit ka." Kinurot ko siya.
"Mukhang totoo ngang nagkakamabutihan na sila," nakangiting bati ni Mommy kaya napaayos agad kaming dalawa ni Gab.
Titingin-tingin si Sam kina Raf at Gab. Habang si Dina naman ay kinakambatan ak
