Kanina ko pa nilalaro ang cellphone ko. Sabi ni Raf tatawag siya agad pagkadating sa kumpanya pero wala pa ring tawag hanggang ngayon.
"Eleven na."
Tumayo na ko. Nakakainip maghintay kaya pupunta na ko.
Ngayon namin malalaman kung mababalik ba siya sa posisyon o hindi. Kaya kinakabahan ako para sa kanya.
Office attire ang sinuot ko. Mga pinaglumaan ko noong nagta-trabaho pa ko para kay Ezekiel. Pink blouse at skirt.
Pagkapasok ko palang sa building, ramdam ko na ang tensyon sa loob. Maraming employees ang ayaw na kay Raf. Masungit daw kasi siya at strikto pagdating sa trabaho. Pero gano'n naman dapat, 'di ba?
Bigla akong nilamig sa hindi ko malamang dahilan. Natigilan ako sa pagpasok sa elevator nang bumukas 'yon. Iniluwa nito ang isang lalaki, nasa edad fifty na ito mahigit kung
