"Bukas na ho ang paglipat niya ng hospital sa baguio. Sakto hong doon na rin ako malilipat. So, ako na hong bahala muna sa kanya." Ngumiti si Dr. Hernandez bago magpaalam.
"Mabait siyang bata hano? Mukhang magalang saka gwapo rin," nakatinging sabi ni Mommy.
"Mommy, hindi po porke't magkaaway kami ni Raf. Papalitan ko na siya."
Dismayado siyang tumingin sa akin na sinuklian ko na lang ng isang sobrang gandang ngiti.
"Sabi ni Ricky lilipad daw si Raf bukas papuntang US. Hindi niya alam kung kailan babalik," kwento ni Daddy habang abala sa pagbabasa ng newspaper.
"Ni hindi niya man lang dinalaw si Ate." Masama ang loob ni Sam.
"Ayos lang, kailangan niya lang siguro ng space. Ayos lang, ayos lang talaga." Pinilit ko ulit ngumiti. "'Wag nga kayong ganyan. Lalo na ikaw, Kyle. Baka mamay
