MABILIS na lumipas ang araw, hindi ko namalayan na dalawang buwan na ako rito sa Cebu. Masasabi ko na naging maayos at tahimik naman ang buhay ko rito. Nagagawa ko ang mga bagay na gusto ko.
Nalilibang rin ako dahil sa trabaho ko, at saka marami na rin naman akong kaibigan rito. Sa nagdaang dalawang buwan na iyon ay unti-unti ko rin nakikilala si Drake ang kapitbahay namin, na laging ipinipilit sa akin ni Manang.
Nakikilala ko naman na ito kahit paunti-unti mabait siya, at lagi siyang pumapasyal sa bahay kaya naman nagkakalapit na kami. Lagi niya rin kaming dinadalan ng pagkain minsan nga nakakahiya na rito, dahil gumagastos pa ito.
Parang pamilya na rin ang turi sa kaniya ni Manang, dahil naaalala niya raw rito ang lalaking anak niya. Malayo kasi si Manang sa mga anak niya dahil may k
