CHAPTER 9: SIKRETO NG HERNANDEZ
Hindi nagawang makagalaw ni Tyron sa naging tanong na iyon ni Mace sa kanya.
Agad niyang tinanong ang sarili kung, 'Dapat ko bang sagutin 'yon?'
Nang makaisip ng isasagot sa naging tanong sa kanya ay hinarap niya ang dalaga na may ngisi sa kanyang labi. "Hindi ata tama na 'yan ang pag-usapan natin ngayon. Mas dapat nating isipin ang paghahanap kay—"
"Bakit pinatay ng Pistol's Tribe si Tiffany? Ano ba ang kasalanan niya sa grupong iyon noon?"
Napalitan ng pagkunot ng noo ang reaksyon ng binata. Tila hindi makatakas sa mga tanong na ibinabato sa kanya. Nakatingin pa rin ang ibang kasama niya.
"Hindi makakatulong sa sitwasyon natin ang pag-usapan 'yan, Mace. Kaya hindi ko kailangang sagutin 'yan," ani Tyron. Kahit kabado ay pilit niyang kinakalma ang tono
