Simula nang makita ko ang pictures na ’yon ay hindi na natahimik ang kalooban ko. Uuwi na si Damon mamaya at hindi ko alam kung paano siya haharapin. Gusto ko siyang komprontahin pero natatakot ako na magalit siya, so I chose to act like I didn’t see the pictures.
“Malay mo naman, aksidente lang silang nagkita roon. Masyado kang territorial at selosa, e, hindi naman kayo,” sabi ni Chrome.
Sinamaan ko siya ng tingin bago humigop sa strawberry milk shake na pinagawa ko. I chose to stay here in his restaurant. Ayokong hintayin ang pag-uwi ni Damon dahil baka hindi ko mapigilan ang sarili ko. Medyo inayos ko ang black checkered skirt na suot nang mapansin nakalihis na ito pataas at hinubad ang katerno nitong jacket, leaving me on my black cropto, bago sinandal ang dalawang braso sa mesa.
“C
