MAGKASALUBONG ang kilay na inulit tingnan ni Bernard ang video ng nagdo-doorbell sa labas ng pintuan ng condo unit ni Tori bago siya napalingon nang bumukas ang pintuan ng dalaga at lumabas ito na nakamanipis at maikling robe lang. Para siyang hangin na ni hindi man lang nito binigyan ng kahit isang sulyap man lang nang akmang bubuksan nito ang pintuan.
“Are you kidding me? Bubuksan mo ang pinto na ganyan ang hitsura mo?” Mas lalong lumalim ang gitla sa noo niya habang pigil ang kamay niya sa tuluyang pagbukas ng front door ng unit.
Malamig ang mga matang tiningnan lang siya ng dalaga bago sinulyapan ang kamay niyang hindi niya namalayan ay mahigpit na pala ang pagkakahawak dito.
“I-I’m sorry,” paumanhin niya rito at saka niya alanganing inalis ang pagkakahawak dito.
Nagpakawala ito na
