“Ang sarap talaga nito!”
Napangiwi ang katabi kong si Charmaine pagkarinig ng sinabi ko. Habang si Marco naman ay walang tigil sa pag-iling. Binulungan niya pa ang katabi niyang si Tristan na bahagya namang napangisi.
Nakaupo kami sa mga puting bakal na upuan na nakapalibot sa pabilog na lamesa rito sa veranda ng bahay ng parents ko.
Sinawsaw ko pang muli ang hawak kong Indian mango sa platitong may lamang catsup. Sarap na sarap kong kinagatan ang maberdeng mangga.
“Eeew!” ani Charmaine.
Hindi na maipinta ang mukha niya. Patuloy naman sa pagtawa ang katabi niyang sina Marco at Tristan.
Dinalaw ako ng magkasintahang sina Charmaine at Tristan ngayon. Matagal-tagal na rin kasi akong hindi nakakalabas ng bahay dahil pinag-bed rest ako ng OB-GYN ko. I'm six weeks pregnant!
Dahil sa bigla
