Sa kabilang banda, nagdadabog na lumabas si Ly sa likod-bahay habang may bitbit na basket. Gabi na kaya siguradong kakatapos lang nila magtrabaho.
"Oh?" gulat na wika ni Nanay Daisy, dahil sa malakas na pagsara ng pinto
"Akala mo, hote ito?" inis na bulong ni Ly.
"Ano ba ang ipinuputok ng butsi mo d'yan at mukhang hindi na naman maipinta 'yang mukha mo?"
"Yung kaibigan ni Sir. Iniwan n'ya yung anak n'ya rito. Sinong may alam na magtatagal siya rito?"
Nakapameywang na tumayo si Nanay Daisy. "Sino? Sino ba yang kaibigan na 'yan?"
"Yung kaibigan ni Sir na bumisita rito noong nakaraang linggo. Yung may anak na hindi ko gusto ang awra."
"Mukhang alam ko na ang tinutukoy mo. Para sabihin ko sa 'yo, wala pang sinasabi sa atin si Sir. Katulong ka lang, Lyang. Isarado mo yang bibig mo, baka
