Tumabi naman ng upo sa kanya ang kanyang anak na si Shen at inakbayan s'ya ng anak.
"Sana masaya si Daddy kung nasaan man ang kaluluwa n'ya ngayon, Mommy. Sana natutuwa s'yang makita ka na mahalaga pa pala siya sa'yo. Kaya lang ang nakakalungkot ay hindi na s'ya makakahawak sa'yo at di mo na rin s'ya mahahawakan at makikita dahil spirit na si Daddy." Sabi ng kanyang anak na parang nanghihinayang.
Mas lalo pa s'yang nasaktan sa sinabi ng kanyang anak. At kahit ilang ulit pa s'yang masaktan ay talagang wala na si Sierge. Wala na ang dati niyang asawa. Masakit lang talaga ang pagkawala nito dahil kagagaling pa nito sa kanya nang mangyari ang aksidente nito. Hiningi pa nito ang kapatawaran sa kanya ngunit hindi n'ya talaga naibigay iyon. At sa ganitong paraan pa kinuha sa kanila ng tuloyan
