FLASHBACK
"Thank you, so much, Mr. Sy!" Ang lapad ng ngiti sa mga labi ko nang tanggapin ko ang ipinagawa kong eighteen karat gold engagement ring para kay Rhia.
Ipinasadya ko pa iyon sa intsik, na kilala sa alta sa paggawa ng mga de kalibreng alahas, dahil ang gusto ko ay naa-adornohan ng maliliit na pulang brillantitos ang paligid ng diyamante, bilang Ruby ang birthstone ng dalaga.
Noong isang buwan ko pa iyon inorder. Bago pa man magdesisyon si Rhia na tanggapin ang iniaalok kong kasal. Mabuti na lang. Tamang-tama tuloy para sa magaganap na engagement party sa makalawa ng gabi.
Pagkatapos ng engagement party, ang balak ko ay isasama ko rito si Rhia upang hingin din ang opinyon nito para naman sa pagpapagawa ng aming wedding rings.
"You are very much welcome, Mr. Da Silva..." matata
