KABANATA 33
KANINA pa ako pakurap-kurap lamang ng mga mata habang iniikutan nitong binabae na opisyal sa barangay. Iniikutan niya ‘ko habang nagpapaypay ng hawak na matigas na papel, hinahanginan ang sarili kahit na airconditioned naman dito sa pinuntahan naming silid, katabi lang ng opisina ni Senyorito Raphael dito sa farm.
Nalaman ko kung sino siya at kung ano ang posisyon niya sa barangay nang ipakilala siya ni Senyorito Presley kanina pa sa akin at ganoon din ang pangalan ko sa kaniya.
Ang sabi, siya raw ay si Kapitana kung tawagin, dahil kapitana nga siya ng bayan. Medyo hindi lang ako pamilyar sa kaniya dahil abala naman ako palagi sa farm o mansyon ng mga Aragon araw-araw, doon lang naman umiikot ang buhay ko palagi para kumita ng pera.
“So... what do you think? Isn’t she perfe
