Napaigtad siya nang makitang tahimik na nakatayo sa gilid ng entrada si Salem at umalerto nang makita siya. “Are you free now, Miss?” mahina ngunit pormal na tanong nito. Nginitian ni Alaina si Salem at tumango. “Then, come with me.”
Huminga siya ng malalim dahil nilukob siya ng nerbiyos pero tumango naman at nagsimulang maglakad kaagapay ni Salem. Pagdating nila sa ikalawang palapag ay napakadilim at nakakabingi ang katahimikan kaya wala sa loob na napahawak siya sa braso ni Salem. Naramdaman niyang nabigla ang boyguard pero hindi nagreklamo. Nang makarating sila sa dulong bahagi ng palapag kung saan alam niyang naroon ang silid ni Randall ay lumiko sila patungo sa veranda himbis na dumeretso sa pinto. Pagkatapos ay inakay siya ni Salem patungo sa isang French door na nakaawang. Sa pagka
