Isleen Fajardo's P. O. V
Minulat ko ang mga mata ko at ramdam ko ang pananakit ng katawan ko. Hindi ko maigalaw ng maayos ang mga braso ko.
Noon ko napagtanto na nakaposas ako. Nakaupo ako sa sahig habang nakataas ang dalawa kong kamay at nakaposas iyon. Pilit kong hinihila ang kamay ko pero dahil sa sobrang pangangalay ay nahihirapan na ako. Hindi ko akalain na hahantong ako sa ganitong sitwasyon.
"AAARRGGHH!" sigaw ko dahil sa sobrang sakit ng leeg ko.
Nilibot ko ang paningin ko. Puro dilim lamang. Wala akong makita pero alam kong nasa masamang kamay ako. Kailangan ko makaalis dito. Kailangan ko lumaban.
"Hughh!" Halos mawalan ako ng hininga sa gulat nang biglang may rebulto ng tao na nagbukas ng kurtina dahilan para pumasok ang liwanag sa buong kwarto.
"Pakawalan mo 'ko!" madiin k
