AVERY’s POV
Ang gabi ng engagement party na iyon ay naging mitsa ng isang digmaang expected ko na naman na mangyayari.
Kinabukasan, hindi lang ang showbiz news ang sumabog; ang buong campus ng aming unibersidad ay tila naging pugad ng mga bubuyog na kanina pa bulung-bulungan.
Pagpasok ko pa lang sa gate, ramdam ko na ang mga matang nakatutok sa likod ko. Ang video ni Blythe na nakaluhod sa harap ko habang suot ko ang aking waitress uniform ay naging viral na. Pero hindi iyon ang pinakamalalang bahagi.
Sa tapat ng bulletin board ng Business Department, may kumpol ng mga estudyante. Paglapit ko, nanlamig ang buong katawan ko. Nakapaskil doon ang mga screenshot ng mga pekeng convo mga linyang pinalalabas na kinukwartahan ko lang si Blythe, na binackmail ko siya para bayaran ang tuition ko
