"Dominic!" masayang bulalas ng babae bago nito sinunggaban si Dominic at niyakap ng mahigpit. Tila hindi naman nakakibo sa pagkagulat ang binata, pero kalaunan ay kusa na ring umangat ang mga kamay niya upang gantihan ang yakap ng babae.
Hindi maikakailang maganda at seductive ang babaeng 'yon. Balingkinitan ito at may malaking hinaharap. Maliit lang ang mukha niya na pinahiran ng makapal na make-up, may wave at blondeng buhok na hanggang beywang. Sa totoo lang, gusto ko manliit sa kagandahan niya pero alam ko naman na may angkin din akong ganda, hindi ko nga lang iyon kayang ilabas dahil hindi rin ako sanay mag-ayos. Ni hindi nga ako marunong magmake-up.
Pakiramdam ko ay para akong napako sa kinatatayuan ko. Biglang bumigat ang pakiramdam ko sa nasasaksihan subalit hindi ko magawang mag
