Malakas na napabuga na lamang ako ng malalim na hininga. Hindi ko alam kung paano nauwi sa ganito na naman ang sitwasyon ko.
Basta ang natatandaan ko ay sobrang abala ako kanina dahil sa isang linggo na trabaho na natambak sa mesa ko. Pagkatapos ay biglang dumating ang mag-asawang Mijares kaya masaya na sinalubong namin sila. Kaya lang nagulat kami nang lumapit mismo sa akin sina Mr. Mijares. Halatang nagulat din ang mga ito sa pagpasok ko sa opisina ngayong araw. Naging abot abot tuloy ang kaba ko sa takot na baka ilantad nila sa mga katrabaho ko na ako ang nagbantay kay Sir Apollo sa ospital.
Hanggang sa laking gulat ko nang biglang ngumiti ang mga ito at nakikiusap na humingi ng isang malaking pabor na naman sa akin. Iyon ang dahilan kaya hindi ko nagawang makatanggi pa. Dahil sa un
