NATAWA na lang ng pagak si Aria ng banggitin niya ang pangalang Aiden ay natigilan ang nagpapanggap na si Angelo mula sa paghakbang nito palabas sa kwarto niya. Gayunman kahit na natigilan ito ay hindi pa din ito lumilingon sa kanya. Parang pinipigilan nito ang sarili na huwag lumingon para hindi ito mabuking.
"Aiden," banggit ulit niya sa pangalan nito.
Pero sa pagkakataong iyon ay nilingon na siya nito. Hindi naman niya inalis ang tingin dito, tinitingnan kasi niya ang ekspresyon ng mukha nito pero ang galing nitong um-arte dahil wala man siyang nabasang gulat sa mukha nito habang sinasalubong nito ang titig niya. Para ngang wala lang dito ng tawagin niya ito sa pangalang Aiden.
Sa sandaling iyon ay gusto niyang pumalakpak dahil ang galing nito magkunwari, galing nitong um-arte dahi
