"LANCE!"
Patakbo kong hinabol si Lance nang mabilis itong maglakad patungo sa malaking puno kung saan naganap ang aming first kiss.
Agad itong umupo at sumandig sa puno at ipinatong ang mga kamay sa ulo.
Nang makalapit ako ay nakapikit na siya.
Nakagat ko ang aking ibabang labi nang mapansing salubong ang kanyang mga kilay at igting ang kanyang mga panga.
Napabuntong hininga ako at tahimik na lumapit at umupo sa tabi niya. Napansin ko ang paggalaw ng kanyang mga talukap kaya naman alam kong naramdaman niya ang paglapit ko.
Nag-isip ako ng maaari kong gawin para lang mawala ang galit niya sa akin.
Inilapit ko ang mukha ko sa kanya at marahan kong dinampian ng halik ang kanyang noo.
Napatingin ako sa mga kamay niyang biglang niyang naikuyom kaya naman napangiti ako.
Hindi pa
