MALALAKI ang mga hakbang ni Thea palayo sa sasakyan ni Joshua. May ngiti sa kanyang mga labi dahil naisahan niya rin ang kanyang kapatid. Natakasan niya ito. Hinugot niya ang cellphone sa bulsa at tinawagan ang isa sa mga kaibigan niya. “Find another resort! Change location tayo. Susunod ako sa inyo, no matter what!” sabi niya sa kausap at tinapos na niya ang tawag.
Ginagawa niya ito dahil wala naman talaga siyang balak na um-attend at mag-bride’s maid sa kasal ni Tanya. Paraan niya ito para ipakita ang pagrerebelde niya. Oo, may sama siya ng loob sa ate niya. Simula kasi nang magkaroon ito ng trauma dahil sa nangyari dito ay napunta na ang lahat ng atensiyon ng parents niya dito. Wala nang natira sa kanya. Papansinin lang siya ng mga ito kapag nakagawa siya ng mali. Kaya naman sinasadya
