AKMANG susugurin sila ni Leroy ngunit naging maagap si Joshua. Sinipa nito ang lalaki at malakas na hinataw ng palakol sa balikat. Malakas na napasigaw si Leroy nang hugutin ng kanyang nobyo ang palakol at sumirit mula doon ang masaganang dugo. Hindi pa nakuntento si Joshua muli nitong pinalakol sa dibdib ang lalaki. Natumba ito kasama ang palakol at parang manok na ginilitan na leeg na sisigok-sigok.
Tinapakan ni Joshua sa dibdib si Leroy sabay hila ng palakol. Sa lalim ng tama nito sa dibdib ay sigurado si Tanya na hindi na ito mabubuhay.
“Joshua, tama na 'yan! Umalis na tayo dito!” awat niya dito nang makita niyang papalakulin na naman nito si Leroy.
“Tama! Bilisan na natin! Pumunta na tayo sa kabilang cabin!” sang-ayon ni Juliana.
Nauna na sa pagtakbo si Juliana habang nakasunod la
